ازاى تخلى الشباب يحترموكى

السلام عليكم ورحمة الله وبركاته

الموضوع ده يهم
بناااااااات كتير جدا وخاصة اللى منهم فى الجامعه او اللى لسه حيدخلوا
الجامعه وهو يخص جميع البنات وعلاقتهم مع الشباب عموما فى اى مجال

"الاحترام"

اهم حاجه لازم البنت تتميز بيها وفى الموضوع ده احب اقدم نصايح تخلى البنات تجبر الشباب على احترامها

اولا::

نبدأ اولا بمظهر
البنت شكل البنت يعنى طريقة اللبس اول ما بيلتفت اليه الشاب شكل لبس البنت
وطبعا مش قصدى انه يكون غالى ومن افخم الملابس والازياء الباريسيه ولا
تكون البنت لابسه اكسسوارات بالشئ الفلانى لا قصدى على احترام البنت فى
ملابسها سواء محجبه او غير محجبه يعنى متكونش لابسه حجاب ولبسها ضيق او
لابسه جيبه قصيره او تكون مش محجبه ومنعكشه شعرها وعملاه بالجل كل ده
بياثر فى طريقة معاملة الولد للبنت وحتى ان كان بيقول انا ميهمنيش المظهر
بس خليكوا واخدين بالكم ان معظم الولاد بياخدوا بالهم من النقط الصغيره دى
وتلقائيا ممكن تلاقى التعامل بعد كده بيتغير ويقل الاحترام

وطبعا اللبس مش دليل على احترام البنت الكامل لنفسها لاننا بنشوف بنات
لابسه لبس اخر احترام وواقفه تهزر او تتكلم باسلوب مش ظريف مع الشباب

ثانيا::

دى حاجه بقى
ممكن البنات متاخدش بالها منها وهى هزارها او طريقتها فى الكلام مع البنات
صحابها يعنى تقف وتضحك بصوت عالى اوى وتهزر ويكون حواليها شباب وناس كتير
فبكده اى شاب حيشوفها اكيد حيقول انها مش محترمه ، يعنى راعى دائما يكون
اسلوبك فى الهزار ظريف ولطيف ويليق بيكى كبنت وعامة كثرة المزاح بيضيع
هيبة واحترام البنى ادم

ثالثا::

نيجى بقى على
طريقة كلامك مع زميلك اولا بلاش الصوت العالى ثانيا حاولى دائما تتكلمى مع
اى شخص باحترام وادب وحتى ان كنتى بتشوفى الاخرين بيسخروا منه يعنى ببساطه
تكونى بتتعاملى بذوق مع الكل

رابعا::

دايما تحطى
قواعد وحدود مع اى حد يتعامل معاكى وخااااااااااااصة فى موضوع الهزار
احذرى الهزار مع الشباب وخاصة ان الشباب اصلا فى تعاملهم بيحبوا يضربوا
بعض فى الهزار يعنى لازم تحافظى على احترامك وتضعى حدود فى التعامل من
الاول واذا كنتى خجوله واتحطيتى فى الموقف ده غصب عنك لازم تاخدى موقف
وتبصيله بصه بشذر كده ولا تعبريه حتى وان جه يتاسف تأنبيه وتفهميه انك
انسانه بتتعاملى معاه باحترام ومتقبليش الهزار بالاسلوب ده

خامسا ::

انتى اه فى فتره الشباب ولازم تتفسحى وتخرجى بس حاولى ان لو حتخرجى مع اصحابك بنات وشباب(يعنى الجروب بتاع اليومين دول)

تحاولى ان ميكونش كلامك مع واحد فقط عشان متلفتيش الانظار عليكى ويتكلموا ولاحظى ان سمعتك هى اللى بتعطيكى الاحترام

واخيرا لكم منى كل الاحترام وتمنياتى ان الموضوع يفيدكم

ورجاءا ان اى حد من الشباب او البنات اللى هيقروا الموضوع لو عندهم اى تعليق او اى ملاحظات او اى اضافه يضيفوها على الموضوع على طول

واتمنى منكم الردود سواء الموضوع عجبكم او لأ

لا الموووضوع تماام

حلو الموضوع ده مشكور

الموضوع جاااااااااااامد شكرا

ميرسى بجد على الموضوع الحلو

الموضوع جامد الله ينور

ايه الجمال ده فعلا كلام مظبوط 100%
وفعلا البت هى الى بتتحكم فى احترام الشباب ليها
واحب أ اكد فعلا ان الشباب قبيهزروا باديهم وسعات رجليهم طبعا مش كلهم

المهم انه سعات بشوف بنات وصلت بيهم الدرجه الى الحد ده والبنات دول كل الناس الى حواليهم بيبوصلهوم انهم مش محترمين

والحمد لله احنا معندناش بنات فى الكليه عشان كده بنهزر بكل الطرق الممكنه

واحب اقول كلمه جد " نحن قوم اعزنا الله بالاسلام فان ابتغينا العزه فى غيره اذلنا الله"

والله انا السنة الى فاتت كنت فى فترة اعداد لبطولة ملاكمة لما كنت بلعب
وضربت بنت بوكس
كانت بتنزف من كل حتا فى وشها بس دية مش اى بنت
دية انا هى متربين مع بعض بس صعبت عليا اوى بس تستهال اكتر من بوكس

ههههههههههههههههههههههههههههههههههه اى دة ياقبطان هههههههههههههههههههههههههههههههه

بوكس مرة واحدة هههههههههههههههههه -*1

مشكور الموضوع جميل جدا