الانتي فيرس شغال و لا...

طبعاً كلنا بنستخدم برامج الأنتي فيرس والفايروول عشان نحمي نفسنا من أي خطر خاصة من الفيروسات ، أكيد كل واحد عامل أبديت للأنتي فيرس بتاعه بس هل ياتري اتأكدت إن الأنتي فيرس بتاعك شغال تمام وبيقفش فيروسات ومأمن عليك من جميع الجوانب 11


وعشان تجرب الأنتي فيرس بتاعك وتعرف هل هوا شغال ومأمن عليك ولا لا


مش لازم تخش مواقع من المشهورة إنها بتتسبب في اصابة الجهاز بفيروسات خطيرة ممكن تعرضك لخسائر كتيرة

مش لازم تجرب تنزل حاجة انتا متأكد إنها متفيرسه

مش لازم تلعب بالنار يبني وتعمل نفسك لعبه بين الفيروسات


بكل بساطة هقولكوا علي طريقة نعمل بيها فيرس وهمي ( فيرس كدا وكدا يعني ) ونجرب في أمان تام وبدون قلق

والاختبار دا اسمو ( Eicar test )


الخطوات :




1 - شغل النوت باد NotePad ( Start >All Programs > Accessories > NotePad.exe ) Bas


2 - وبعدين حط فيها الكلام الغريب اللي جاي دا ( هناخده كوبي بيست ) :


X5O!P%@AP[4\PZX54(P^)7CC)7}$EICAR-STANDARD-ANTIVIRUS-TEST-FILE!$H+H*




3 - اعمل Save as بقا وحدد مكان الملف وليكن عالديسكتوب مثلاً بس وانتا بتسمي الفايل خلي اسمه eicar.com مش بس كدا ، في الخانة اللي تحت خانة الاسم دي اللي بنحدد فيها نوع الملف خليه All Files



4 - لو الأنتي فيرس بتاعك شغال تمام هتلاقيه علطول قالك ( مين هنـــــــــــــــــــاك وراح قفش الفيروس الوهمي دا 11