الى كل طالب داخل ع الامتحان (( حتطلع الاول وتجيب تقدير )) حلول عمليه

السلام عليكم ورحمه الله .......

اللهم صلى وسلم على سيدنا محمد ....... وبعد ..........

انا بكلم مع كل طالب داخل على امتحان (( برضه انا بكلم مع نفسى ))

انت طالب ايه ؟؟؟ طالب القرب ولا طالب دراسه ولا ايه

طب ياترى انا حمتحن ازاى ده ان بص يا عم الحج مقضيها
طول السنه طناش وبصراحه خايف اشيل او ادبلر وانت جى تقولى ازاى اطلع الاول
يا عم بلاش حوارات

طب يا شباب عشان منضيعش وقت وتخشوا تذاكروا (( قال ايه عيال دحيحه اوى ...
متزعلش انا بهزر معاك انا بحبك اوى والله فى الله )) يا ترى
ايه الخطوات والحلول العمليه عشان اطلع الاول واجيب تقدير كمان :.:.:

1- انا عيزك دلوقتى حالا تغمض عنيك وتقول لنفسك يا ترى لو انا كنت فى كليه
او مكان اقل من اللى انا فيه كان حالى حيبقى ايه

2- ها شفت بقى انت فى مكان كويس ولا لأ يبقى احمد ربنا على اللى انت فيه
ومش عايز اسمع منك تانى انك مخنوق من كليتك سواء كانت طب او صيدله او حقوق
او هندسه او شعب (( تجاره )) حقوق اداب .. الخ

لا كل الكليات ميه ميه وكل المجالات جميله

بس انا يا اسلام دخلت الكليه غصب عنى تنسيقى بقى وانت عارف المجاميع غاليه اوى زى البانجو

اقولك ان الراجل اللى بجد هو اللى يأثر فى مكانه وفى مجاله يعنى مش مهم
انا دخلت ازاى بس المهم انى انا حبقى ايه

3- حدد اهدافك بعد تخرجك من الكليه يبقى لازم تنجح يبقى لازم تذاكر بنفس حلوه

4- متنساش بالله عليك فرحه ابوك وامك لما بيعرفوا انك نجحت و حط ده هدف جميل انك تفرحهم

بجد هم او هما (( اللفظان صحيحان )) يستهلوا كل خير وكل فرحه

5- ابدء دائما المذاكره من الجزء اللى بتحبه او شايف انه سهل (( بتوع تجاره طبعا مخنوقين منى اوى )) بس انا والله بحبهم اوى

6- حاول تلخص كل باب وتجيب له اهم النقاط و الاسئله اللى بتجيى فى
الامتحانات (( شباب حقوق ابتدوا يشتموا فيا )) بس انا والله بحبهم اوى

7- ذاكر فى الاماكن المريحه لك نفسيا

8- اختار الاوقات الجميله الهادئه الملئيه باوقات البركه (( مثل وقت بعد الفجر ))

9- تجنب اوقات الكسل (( بعد الظهر )) وكذلك تجنب السهر او المذاكره ليلا خاصه ليله الامتحان

(( تجاره طبعا مش تبعهم خالص النقطه دى ))

شباب بعد ما دردشنا فى خطوات الحل العمليه والاخذ بالاسباب تعالو ندردش فى شق التوكل على الله والجانب الروحانى

1- توكل على الله وعليه فليتوكل المتوكلون

2- انت فى دراستك ومجالك تخدم بلدك ودينك حدد نيتك واحتسب وقت المذاكره فى سبيل الله

انك ان شاء الله ستكون نموذج مشرف لدينك
فى مجالك ستنقذ مريضا ستمنع مصيبه هندسيه ستقوم بمراجعه حسابات شركه
ستدافع عن المظلوم ستخرج اجيالا وتدرس لهم

3- دائما اخلع نفسك من مشاكلك الحياتيه بالاستغفار

3- احرص على الصلوات الخمس فى جماعه وتجعلها بدايه للحفاظ بعد الامتحان

4- استغل صلاه الفجر فى الدعاء وبعدها فى المذاكره

5- لا تنسى صلاه الحاجه

6- لا تسنى دعاء قبل المذاكره وبعدها ولا تنسى دخول دخول اللجنه وبدايه
الاجابه ولا تنسى دعاء تيسير الشدائد ومتنساش دعاء النسيان وفقد الضاله

7- هديه ونصيحه غاليه :: وانت رايح اللجنه متقولش الا استغفر الله

8- استغل هذا الوقت فانت مضطر ودعاء المضطر مستجاب ان شاء الله فادعيه يوفقك ويهديك ويهدينى

9- استغل دعاء الوالدين ودعاء الصالحين ودعاء اصحابك بظهر الغيب

10- شايف حياتك بقت جميله ازا ى صلاه وذكر وقران فاجعلها بدايه للثبات

11- والله ربنا حيوفقك بس اجتهد انت

12- متنساش بقى تدعى لاصحابك بظهر الغيب

(( طبعا مش حتنسى حبيب قلبك اسلام وتدعلى له بالتوفيق
13- اتمنى الا اكون قد اطلت عليكم وانى والله احبكم فى الله

طبعا مفيش واجب المره دى وانا اللى حكتب لكم الواجب وهو الادعيه

دعاء قبل المذاكره :: اللهم انى اسألك فهم النبين وحفظ المرسلين والملائكه المقربين اللهم اجعل السنتنا عامره بذكرك وقلوبنا بخشيتك

دعاء بعد المذاكره :: اللهم انى استودعك ما قرأت وما حفظت فرده لى عند حاجتى

دعاء دخول اللجنه :: اللهم ادخلنى مدخل صدق واخرجنى مخرج صدق وانت خير الرازقين

دعاء بدء الامتحان :: اللهم اشرح لى صدرى ويسر لى امرى

دعاء التيسير :: اللهم لا سهل الا ما جعلته سهل وانت تجعل الحزن اذا شئت سهلا

دعاء الضاله او النسيان :: اللهم يا جامع الناس ليوم لا ريب فيه اجمع عليا ضالتى

تمام

الله ينور يا بروف الموضوع حلو بس محطتوش من بدرى لىىىىىىىىىى

تم التثبيت

اه انت جى فى الاواخر

يا بروف وتحطة وبيعديين عاوزة اسال سؤال ياترى انت بتعمل بكل الحاجات دى

الله يباركلك يا بروف ويوفقك في الامتحانات

الموضوع حلو جدا جدا جدا
ربنا يكرمك

يارب يامحمد

ربنا يكرمك يا بروف