اللهم انى احب عبدك هدا(تامر حسنى) حبا خالصا فيك فاجمعنى و اياه فى رياض الجنان يا رب فانا بموت فيه"
دي واحده من رسايل المعجبين على صفحة تامر حسني بأحد مواقع الاغاني
استغربت جدا من الرساله دي !!!!
هو ده القدوة يا جماعه؟
هو ده اللي عايزين تكونوا رفقائه في الجنه؟؟؟
(انا بوجه كلامي لكل اللي لهم نفس التفكير)
واليكم بعض الرسائل الأخرى :
"انا بحبك يا تامر مووووووووووووووت موووووووووووت لدرجه محدش يتخيلها انت كل عمرى تامر بحبك يا اغلى حاجه فى دنيتى كلها"
"هاااااااى على فكرا انا بموووووت فى تامر بعشقك تمورتى بحبببببببببك مووووووووووووووووووووووووت مووووووووت مووووووووووووووت مووووووووووووت والله انت اجمل مطرب فى الدنيا"
"بعشقك يا تامر انا بتمني انسان يكون عنده الاحساس اللي عنده واللي جوه عيونك التحفه "
"بحبك يا تامر مووووووووت زى كوكو وسوسو ومومو ومرمورة وانجى "
لا تعليـــــــق بجد !!!!
يا جماعه انا معاكم تامر حسني صوته حلو وليه اغاني يمكن تكون فى نظر البعض جميله
لكن مش للدرجه دي يا جماعه !!!
ده غير ان فيه ناس بتشتم بألفاظ خارجه جدا لأي حد يقول انه مش بيحب تامر !!!
ليه كل ده ؟!!!
ياترى بنحب الرسول اوي كده؟؟؟
يا ترى الناس دي عملت حاجه في موضوع الاساءه للرسول ؟؟؟
انا مش بتكلم هنا على الاغانى
انا عارفه ان الاغانى اصلا حرام شرعا
وربنا يبعدنا جميعا عنها
بس انا بتكلم على نقطه تانيه خالص
يعنى حتى لو ده منشد اسلامى كبير
ليه يوصل بينا الحال للدرجه دى
بجد لا تعليق
هترك التعليق ليكم