انا شارب سيجاره بنى

ايه ظروفكم مع الحشيش؟!
هو الحشيش دلوقت بقى عادى خلاص ولا ايه
امبارح قلت اسمع المباراة على القهوه حيث الهواء الطلق وشاشه العرض
وطبعا شوفنا العكننه اللى كانت ف المباراة بس ماهونش عليا غير حاجه واحده ريحة الحشيش
اهو عملت دماغ من غير ما ادفع مليم
بس المشكله ان القهوه دى على الشارع علطول والهواء امبارح كان حكايه يعنى البلد كلها شمت الريحه
يعنى خلاص الحشيش بقى عادى
نخش ف الموضوع علطول نخش ف الموضوع
بقلد طلعت زكريا
محمود سعد كلنا عارفينه بتاع البيت بيته
كان بيتكلم ف موضوع واذ فجاتا قال
هى الخمره والويسكى والبيره واللذى منه حرآم مش كده
طاب الحشيش؟؟
وقال الخمور كلها بتتباع ف محلات عادى يعنى بترخيص
ليه الحشيش مايتباعش ف محلات وكلنا عارفين ان الشعب المصرى شعب بتاع دماغ
ليه يعنى منفتحش محلات لبيع الحشيش عادى زى الخمور
وبعدين الحته دى من عندى انتم عارفين لو الحشيش اتعمله محلات ف مصر والله الصحراء ف خلال سنه او اقل هتبقى خضراء
والاقتصاد هيبقى زى الفل
وبعدين خدوا الموقف ده حصل معايا
بعد ماخلص امتحانات كنت قاعد قعدتى المعهوده على القهوه نفس القهوه ونفس الهواء الطلق
وفجاء جى واحد صحبى وادانى حتتة سلفر
انا طبعا قمت قايله ايه دى يامعلم قالى دى حشيش بمناسبه انك خلصت امحانات
يافرج الله حشيش تلت قرش بحاله
بس طبعا انا محترم ومليش ف الحاجات بردوا فيه واحد محترم هيشرب حشيش
دى وبعدين كل صحابى بقيوا يتشاكلوا شكل على اللى يحاسب على القهوه
ليه بقى علشان ينولوا الرضا وياخدوا الحشيش اللى انا مش بشربوا
المهم خدها صاحب نصيبها

ندخل ف المهم ايه رائيكم ف سوق الحشيش اللى بيتكلم عليه محمود سعد
يعنى نفتح محلات للحشيش ونعمر الصحراء
واذا حد سئل نقولوا ان كان حلال ادينا بنشربه وان كان حرام ادينا بنحرقه؟

وايه رائيكم ف ان الحشيش دلوقت بقى عادى شربه ف اى مكان؟

وانتا لو جاتلك حتتة حشيش ممكن تشربها ولا هتعمل زيى وتديها للى بيحبها؟